Tîm Bwyd Cynaliadwy (Synnwyr Bwyd Cymru)

Katie Palmer

Pennaeth Synnwyr Bwyd Cymru

Mae Katie yn arwain tîm Synnwyr Bwyd Cymru, tîm sy'n cael ei gynnal gan y tîm Iechyd Cyhoeddus ac Elusen Iechyd Caerdydd a'r Fro. Mae gan Katie MSc mewn Maeth o Goleg y Brenin Llundain ac mewn Polisi Bwyd o Brifysgol y Ddinas. Mae hi wedi gweithio ym myd bwyd drwy gydol ei gyrfa gyda phrofiad yn y sector preifat, a'r trydydd sector a'r sector cyhoeddus (gan gynnwys Pwyllgor Ymgynghorol Bwyd Cymru yr Asiantaeth Safonau Bwyd a Bwrdd Diwydiant Bwyd a Diod Llywodraeth Cymru). 

Sefydlodd Katie Synnwyr Bwyd Cymru yn 2018 ar ôl cael ei chyflogi gan dîm Iechyd Cyhoeddus Caerdydd a'r Fro i sefydlu Bwyd Caerdydd yn 2014. Mae hi'n aelod o Grŵp Cynghori Raglen Cyfoethogi Gwyliau’r Ysgol CLlLC ac roedd yn aelod o'r tîm o bedwar a greodd y rhaglen Bwyd a Hwyl arobryn yng Nghaerdydd yn 2015.

Katie yw un o sylfaenwyr y Bwrdd Nerth Llysiau yn ogystal â bod yn un o aelodau sefydlu Cynghrair Polisi Bwyd Cymru.  Trwy ganolbwyntio ar Bartneriaethau Bwyd a Garddwriaeth lleol, mae angerdd Katie yn ymwneud â datgloi'r potensial i systemau bwyd lleol ysbrydoli newid cadarnhaol.

Lucinda Jones

Cydlynydd Bwyd Caerdydd

Lucinda yw Cydlynydd Bwyd Caerdydd o fewn Synnwyr Bwyd Cymru. Mae ganddi dros 8 mlynedd o brofiad yn gweithio yn y sector preifat ar ystod o raglenni cynaliadwyedd a chadwyn gyflenwi, yn fwyaf diweddar yn y tîm Cyrchu Cynaliadwy yn Unilever lle arweiniodd y rhaglen fyd-eang Bywoliaeth Ffermwyr Tyddynwyr, gan weithio gyda rhwydwaith eang o bartneriaid i sicrhau canlyniadau cadarnhaol i ffermwyr a chadwyni cyflenwi mwy gwydn. Fel rhan o'i gwaith, treuliodd Lucinda dros flwyddyn yn Indonesia, gan weithio fel rhan o'r tîm cynaliadwyedd lleol ar gynhwysion allweddol fel te a chnau coco.  Y tu allan i'r gwaith, mae gan Lucinda gysylltiad cryf â ffermio oherwydd ei magwraeth ar fferm fach ar y ffin rhwng Cymru a Lloegr ger y Gelli Gandryll. Mae Lucinda yn heiciwr brwd, yn mwynhau archwilio lleoedd newydd a threulio amser o ansawdd yn ôl ar y fferm.

Pearl Costello

Cydlynydd Lleoedd Bwyd Cynaliadwy (Synnwyr Bwyd Cymru)

Mae Pearl yn creu newid mewn systemau bwyd ac mae wedi arwain Bwyd Caerdydd ers 2019, gan eistedd o fewn tîm Synnwyr Bwyd Cymru. 

Mae Bwyd Caerdydd yn bartneriaeth ledled y ddinas o unigolion a sefydliadau. Mae'n gweithredu fel canolbwynt ar gyfer cysylltu'r bobl a'r prosiectau sy'n gweithio i hyrwyddo bwyd amgylcheddol gynaliadwy a bwyd moesegol ar draws y ddinas; mae'n gweithredu fel llais ar gyfer newid ehangach.

Yn flaenorol, arweiniodd Pearl raglen gynaliadwyedd uchelgeisiol a thrawsnewidiol yn y Brifysgol Amaethyddol Frenhinol, gan ennill sawl gwobr gan gynnwys Gwobr Prifysgol y Guardian am Brosiect Cynaliadwyedd yn 2016. Datblygodd hefyd raglenni ymgysylltu arloesol a newid ymddygiad gydag Undeb Cenedlaethol y Myfyrwyr.  Mae ganddi BSc Dosbarth Cyntaf mewn Bioleg Forol ac Ecoleg Gymdeithasol (gan arbenigo mewn ymddygiad anifeiliaid) ac MSc (Rhagoriaeth) mewn Dylunio Amgylcheddol Adeiladau (gan arbenigo mewn ymddygiad dynol).

Siân-Elin Davies

Rheolwr Cyfathrebu ac Ymgysylltu

Ar ôl gweithio ym meysydd Cyfathrebu, Cysylltiadau Cyhoeddus a Digwyddiadau am dros ugain mlynedd, ymunodd Siân-Elin â Synnwyr Bwyd Cymru ym mis Hydref 2020 fel Rheolwr Cyfathrebu ac Ymgysylltu. 

Yn ogystal ag arwain ar strategaethau ac allbynnau Cyfathrebu ac Ymgysylltu Synnwyr Bwyd Cymru, mae Siân-Elin yn eistedd ar Grŵp Cyfathrebu, Ymgysylltu ac Ymgyrchoedd Pwysau Iach: Cymru Iach; Rhwydwaith Cychwyn Iach Cymru, ac mae'n aelod o grŵp llywio Partneriaeth Fwyd Sir Gâr, Bwyd Sir Gâr.  Mae hi hefyd yn cefnogi Cynghrair Polisi Bwyd Cymru wrth gyflawni Cyfathrebiadau’r grŵp ac mae'n Rhiant-lywodraethwr yn ei Hysgol Gynradd leol.

Cyn ymuno â Synnwyr Bwyd Cymru, bu Siân-Elin yn gweithio fel Prif Swyddog Cyfathrebu a Chysylltiadau Cyhoeddus ym Mhrifysgol Cymru Y Drindod Dewi Sant.  Cyn hynny, treuliodd sawl blwyddyn fel Cynhyrchydd Digwyddiadau gyda BBC Cymru a gweithiodd hefyd yn ITV Cymru fel Swyddog y Wasg.

Dechreuodd Siân-Elin ei gyrfa yn gweithio fel Swyddog Marchnata a Chysylltiadau Cyhoeddus i gwmni theatr ac mae'n dal i fod yr un mor angerddol ag yr oedd bryd hynny am ymgysylltu a chyfathrebu ag ystod o gymunedau a chynulleidfaoedd amrywiol mewn ffyrdd creadigol, perthnasol ac arloesol.