Lansiwyd Gwasanaeth Cynhwysiant Iechyd Caerdydd a’r Fro (CAVHIS) yn 2021 yn Ysbyty Brenhinol Caerdydd ac mae’n ehangiad o wasanaeth blaenorol Practis Mynediad i Ofal Iechyd Caerdydd (CHAP).
Mae CAVHIS yn darparu mynediad at brofion sgrinio iechyd y cyhoedd a chymorth tymor byr i bobl sy'n ei chael hi'n anodd cael gofal iechyd ac nad ydynt wedi cofrestru gyda meddyg teulu. Nod y gwasanaeth yw darparu'r gwasanaeth hwn â thosturi, gan drin pob unigolyn â pharch ac urddas.
Yn ogystal, mae CAVHIS yn darparu ar gyfer anghenion unigolion na ellir diwallu eu hanghenion gwasanaeth meddygol cyffredinol o fewn practisau meddygon teulu lleol. Gelwir yr elfen hon o'r gwasanaeth yn Gynllun Triniaeth Amgen (ATS).
Ein Cenhadaeth
- Darparu asesiadau iechyd amserol a chynhwysfawr, yn cynnwys sgrinio iechyd y cyhoedd, ar gyfer unigolion sy’n ei chael yn anodd cael gafael ar ofal iechyd, ac nad ydynt wedi cofrestru â meddyg teulu.
- Darparu gofal sy’n canolbwyntio ar y claf a thriniaeth uniongyrchol i gleifion mewn angen, gan drefnu atgyfeiriadau priodol at wasanaethau eraill.
- Cefnogi a grymuso’r unigolion hyn i gofrestru ym Mhractisau’r Gwasanaeth Meddygol Cyffredinol (GMS).
Ein Gweledigaeth
- Gwella iechyd a lles unigolion sy’n ei chael yn anodd cael gafael ar ofal iechyd drwy ddarparu gwasanaeth sgrinio iechyd a chyfeiriadedd cymunedol o ansawdd uchel.
- Gweithio gyda’n partneriaid i leihau anghydraddoldebau iechyd yng Nghaerdydd a’r Fro.