Neidio i'r prif gynnwy

Gwasanaeth Ymataliad Paediatrig Cymunedol

Gair amdanom ni

Rydym yn wasanaeth a arweinir gan nyrsys sydd wedi’u hyfforddi i asesu a rheoli plant sy’n profi’r canlynol:

  • Gwlychu yn ystod y dydd
  • Gwlychu yn ystod y nos
  • Rhwymedd a baeddu

Cyn i'r atgyfeiriad gael ei dderbyn i'r gwasanaeth byddech wedi cael ymyriad llinell gyntaf gyda’r ymwelydd iechyd/gwasanaeth nyrsio ysgol.

 

Rydym wedi ein lleoli yn Ysbyty Dewi Sant ar Heol Ddwyreiniol y Bont-faen (Treganna, Caerdydd, CF11 9XB).

Rhif ffôn: 02921 836836.

E-bost: Childrenscontinence.enquiries.cav@wales.nhs.uk

Ond rydym yn cynnal clinigau yng Nghanolfan Plant Dewi Sant, Canolfan Iechyd y Bont-faen, Gofal Iechyd Sylfaenol Tredelerch, Canolfan Plant Llandochau, Hyb Llesiant Maelfa.

 

Mae angen siartiau mewnbwn/allbwn tri diwrnod cyn trefnu asesiad cychwynnol.

Bydd yr apwyntiad cyntaf dros y ffôn:

  • Bydd y nyrs yn asesu anghenion ymataliaeth y plentyn.
  • Gall y nyrs ofyn am wybodaeth ychwanegol o ddyddiaduron symptomau neu ymchwiliadau. Bydd y nyrs yn esbonio beth sydd ei angen yn yr apwyntiad ac yn ateb unrhyw gwestiynau sydd gennych.
  • Bydd y nyrs yn rhoi cyngor sy'n addas i'ch plentyn. Bydd hyn yn cynnwys cyngor am ddiodydd, deiet neu gwsg (gan gynnwys therapi larwm ar gyfer gwlychu'r gwely), neu gyngor ar feddyginiaeth, sganio'r bledren, triniaeth TENS.

Cynhelir apwyntiadau dilynol mewn clinig neu dros y ffôn.

Byddwch ond yn cael apwyntiad gyda meddyg os:

  • Nad yw eich plentyn yn gwella er eich bod yn dilyn cyngor

Beth rydym yn ei ddisgwyl gennych chi:

  • Byddwch yn gwrtais gyda'n staff a’u trin gyda pharch
  • Cwblhewch y dyddiaduron symptomau a sicrhewch eu bod ar gael ar gyfer apwyntiadau dros y ffôn ac yn y clinig - bydd hyn yn ein helpu i roi'r cyngor gorau i chi.
  • Gofynnwn i chi ein helpu drwy ddilyn y cyngor a roddwyd i chi. Dywedwch wrthym cyn gynted ag y gallwch os yw hyn yn rhy anodd.
  • Mynychwch apwyntiadau ar amser.
  • Atebwch y ffôn pan fyddwn yn galw yn ystod clinig ffôn. Bydd y galwadau yn dod o 'Rhif Preifat'
  • Canslwch apwyntiadau drwy roi 48 awr o rybudd – mae hyn yn golygu y gallwn wedyn gynnig yr apwyntiad i blentyn arall
  • Dywedwch wrthyn ni os yw un o’r canlynol yn berthnasol i chi:
    • Rydych chi'n symud tŷ
    • Rydych chi'n newid eich rhif ffôn
    • Mae eich plentyn yn newid ysgol

Polisi Rhyddhau

Ein nod yw helpu cymaint o blant â phosibl i ddod yn hollol lân ac yn sych. Efallai na fydd hyn yn bosibl i bob plentyn.

  • Byddwn yn rhyddhau plant o'r gwasanaeth pan fydd y plentyn mor ymataliol ag y gall ef neu hi fod, pan fydd diffyg ymgysylltu, bydd y driniaeth wedi'i chwblhau neu fod unrhyw wasanaeth arall yn cael ei ystyried yn fwy addas.
  • Bydd rhai plant yn parhau i fod angen rhywfaint o feddyginiaeth gan y meddyg teulu

Os byddwch yn canslo dau apwyntiad yn olynol byddwn yn rhyddhau'r plentyn o'r gwasanaeth.

Os na fyddwch yn dod â’r plentyn i apwyntiad clinig heb ei ganslo, byddwn yn rhyddhau’r plentyn o’r gwasanaeth

Ar ôl rhyddhau o'r gwasanaeth, bydd angen atgyfeiriad newydd os oes angen cymorth ychwanegol.

Helpwch ni i'w gael yn iawn:

Rydym yn hoffi cael adborth am y gwasanaeth a gynigiwn.

Gallwch wneud awgrymiadau neu sylwadau drwy

  • siarad ag aelod o staff, neu
  • gysylltu â'r Bwrdd Iechyd yma

Sut mae cael at y gwasanaeth

Ar hyn o bryd mae'r gwasanaeth yn derbyn atgyfeiriadau gan Feddygon Teulu a Phediatregwyr. Cynhelir asesiad pledren a choluddyn iach lefel un yn y lle cyntaf drwy eu hymwelydd iechyd penodol os o dan 5 oed, neu drwy’r gwasanaeth nyrsio ysgol.


Dolenni defnyddiol:

ERIC - yr Elusen Coluddyn a Phledren Plant

Gwybodaeth i rieni a gofalwyr, gweithwyr gofal iechyd proffesiynol a gweithwyr proffesiynol addysg a'r blynyddoedd cynnar am blant a phobl ifanc ag anhwylder y coluddyn neu'r bledren. 

Teleffon: 0845 3709009

Gwefan: www.eric.org.uk  


Bladder and Bowel UK

Cyngor a gwybodaeth am holl faterion y bledren a'r coluddyn ymhlith plant a phobl ifanc gan gynnwys y rheini ag anghenion ychwanegol. 

Gwefan: www.bbuk.org.uk/children-young-people/   

Teleffon: 0161 6078219

 

Canllawiau NICE

Rheoli Gwlychu'r Gwely ymhlith plant a phobl ifanc

https://www.nice.org.uk/guidance/cg111

Rhwymedd ymhlith plant a phobl ifanc: diagnosis a rheoli

https://www.nice.org.uk/guidance/cg99

 

Gwasanaeth Ymwelwyr Iechyd

Gwefan: Yma

 

Nyrsys Ysgol

Gwefan: Yma

Parentline - Gwefan: Yma

 

(Diweddarwyd Ionawr 2024)

Dychwelyd i'r Gwasanaethau Iechyd Plant, Pobl Ifanc a Theuluoedd

 

Dilynwch ni