Yfwch yn gyfrifol y penwythnos hwn a helpwch i leddfu'r pwysau ar ein gwasanaethau

22 May 2025

P'un a ydych allan yn mwynhau gŵyl y banc, neu'n gwylio rygbi yn Stadiwm Principality, cofiwch ein #HelpuNiIHelpuChi i aros yn ddiogel ac yfed yn gyfrifol. 

Ar ddiwrnodau gemau rygbi, gwelwn gynnydd yn nifer y bobl sy’n dod i’r Uned Achosion Brys yn hwyr yn y nos a mae achosion o yfed lefelau uchel o alcohol gyda'r nos yng Nghaerdydd a Bro Morgannwg yn cyfrannu at drais a throsedd sy'n gysylltiedig ag alcohol, sy’n arwain at fwy o bobl yn mynd i’r Uned Achosion Brys.

Yfwch yn gyfrifol y penwythnos hwn a helpwch i leddfu'r pwysau ar ein gwasanaethau, er mwyn sicrhau y gall pobl gael y gofal iawn, pan fydd ei angen arnynt. 

I wneud hyn, gallwch: 

• Ceisiwch newid eich diod arferol am rywbeth llai, er enghraifft, gwydraid llai o win neu botel o gwrw yn lle peint. 
• Yfwch ddiod cryfder is gyda llai o unedau neu gynnwys alcohol is (ABV). 
• Yfwch ddiod feddal neu wydraid o ddŵr bob yn ail â diodydd alcoholig 
• Dim ond yfed alcohol gyda phryd o fwyd. 

Cofiwch y dylech fynd i’r Uned Achosion Brys os oes gennych salwch sy’n peryglu bywyd/anaf difrifol yn unig, a all gynnwys:

• Anymwybyddiaeth
• Anhawster anadlu
• Amheuaeth o drawiad ar y gallon
• Anaf difrifol neu golli gwaed yn drwm
• Gwendid sydyn neu broblemau lleferydd

Byddwch yn ymwybodol o’ch terfynau, yfwch ddigon o ddŵr a helpwch ni i sicrhau bod ein huned achosion brys yn gallu delio â’r rhai sydd wirioneddol ei hangen y penwythnos hwn. 

Os ydych yn ansicr o’ch symptomau, neu pa gyngor meddygol sydd ei angen arnoch, gall gwefan GIG 111 Cymru helpu trwy gynnig cyngor, arweiniad, cyfeiriadur gwasanaethau a gwiriwr symptomau.

Os yw eich cyflwr yn un brys, ond nid yw’n bygwth bywyd, ffoniwch 111.

Drwy ffonio 111, gellir asesu eich cyflwr a rhoi cyngor ar y lle mwyaf priodol i chi gael y gofal iechyd sydd ei angen arnoch, gan nad yr Uned Achosion Brys yw’r ateb bob tro.