Recriwtio: Cadeirydd i Fwrdd Iechyd Prifysgol Caerdydd a'r Fro
8 Ebrill 2025
Mae Bwrdd Iechyd Prifysgol Caerdydd a’r Fro yn chwilio am arweinydd eithriadol i arwain ein sefydliad a llunio dyfodol gofal iechyd.
Fel Cadeirydd, byddwch yn chwarae rhan allweddol wrth sicrhau gofal o ansawdd uchel, ysgogi arloesedd, a gweithio gyda chymunedau a phartneriaid i wneud gwahaniaeth gwirioneddol. Dyma'ch cyfle i arwain, ysbrydoli a dylanwadu ar ofal iechyd ar y lefel uchaf.
Cyfrifoldebau Allweddol:
- Arwain datblygiad gweledigaeth a chynlluniau strategol.
- Rhoi barn annibynnol ar ansawdd, perfformiad ac adnoddau.
- Sicrhau llywodraethu a rheoli risg effeithiol.
- Meithrin diwylliant o ddidwylledd, uniondeb ac atebolrwydd.
- Ymgysylltu â rhanddeiliaid i hyrwyddo gweithrediadau effeithiol.
Manyleb Person:
- Hanes clir o arweinyddiaeth strategol.
- Sgiliau rhyngbersonol a dylanwadol cryf.
- Ymrwymiad i werthoedd y GIG a Saith Egwyddor Bywyd Cyhoeddus.
- Dealltwriaeth o lywodraethiant a rheoli risg.
- Y gallu i hybu'r iaith Gymraeg a'i diwylliant.
Os oes gennych y weledigaeth a'r ymrwymiad i ymgymryd â'r rôl bwysig hon, byddem wrth ein bodd yn clywed gennych.
Darganfyddwch fwy a gwnewch gais ar wefan Llywodraeth Cymru.