Newidiadau i grwpiau cymorth bwydo ar y fron a arweinir gan y Gwasanaeth Ymwelwyr Iechyd 

23 Gorffennaf 2024

Mae Gwasanaeth Ymwelwyr Iechyd Bwrdd Iechyd Prifysgol Caerdydd a’r Fro wedi gwneud rhai newidiadau i’w grwpiau cymorth bwydo ar y fron er mwyn darparu cymorth tecach, wedi’i dargedu’n well. 

Fel Bwrdd Iechyd, rydym yn falch o gefnogi Menter Cyfeillgar i Fabanod UNICEF a bydd y newidiadau hyn yn cefnogi rhagor o fenywod sy’n profi problemau bwydo ar y fron cymhleth i gael cymorth gan y Tîm Arbenigol Bwydo Babanod ar sail 1:1 gartref neu yn y Clinig Bwydo ar y Fron Arbenigol i Fabanod. 

Er mwyn adeiladu ar y model a roddwyd ar waith yn llwyddiannus mewn grwpiau eraill, bydd Grŵp Cymorth Bwydo ar y Fron Dinas Powys yn cael ei gefnogi gan gymysgedd o weithwyr gofal iechyd proffesiynol hyfforddedig o bob rhan o’r Gwasanaeth Ymwelwyr Iechyd o 2 Medi 2024. Mae hyn yn cynnwys nyrsys staff cymunedol a nyrsys meithrin cymunedol sy’n fedrus wrth adnabod pryderon o ran bwydo. 

Yn sgil presenoldeb isel, mae’r Gwasanaeth Ymwelwyr Iechyd wedi rhoi’r gorau i gefnogi Grŵp Cymorth Bwydo ar y Fron Bae Caerdydd ar gornel Heol Corporation/Heol Avondale. Gall menywod sydd angen cymorth ychwanegol fynychu grwpiau cymorth eraill a arweinir gan y Gwasanaeth Ymwelwyr Iechyd neu grwpiau cymorth gan gymheiriaid. I gael rhagor o wybodaeth am grwpiau cymorth yng Nghaerdydd a’r Fro, cliciwch yma. 

Yn ogystal, gall menywod gysylltu â’u hymwelydd iechyd am gyngor a chymorth. Bydd menywod sydd angen cymorth arbenigol yn cael eu hatgyfeirio at y Tîm Arbenigol Bwydo Babanod sy’n cynnal clinig wythnosol ac yn cynnig ymweliadau cartref. 

Ceir rhagor o wybodaeth am y grwpiau a’r clinig a arweinir gan y Gwasanaeth Ymwelwyr Iechyd isod. 

• Grŵp Cymorth Bwydo ar y Fron Gogledd Caerdydd 
  Eglwys Efengylaidd St Mark’s, Heol y Gogledd, CF14 3BL 
  Dydd Iau, 10am – 12pm 
   
• Grŵp Cymorth Bwydo ar y Fron y Barri a’r Fro 
  Canolfan i Deuluoedd Dechrau'n Deg, Heol Gladstone, CF63 1NH 
  Dydd Mercher, 10am – 12pm 
   
• Grŵp Cymorth Bwydo ar y Fron Dinas Powys 
  Llyfrgell Gymunedol Dinas Powys, Fairoaks, The Murch, CF64 4QN 
  Dydd Llun, 10am – 12pm (ac eithrio gwyliau banc) 

Cymorth Arbenigol 

Gall menywod gysylltu â’u hymwelydd iechyd am gyngor a chymorth. Bydd menywod sydd angen cymorth arbenigol yn cael eu hatgyfeirio at y Tîm Arbenigol Bwydo Babanod sy’n cynnal clinig wythnosol ac yn cynnig ymweliadau cartref. 

Os cewch eich atgyfeirio at Dîm Arbenigol Bwydo Babanod y Gwasanaeth Ymwelwyr Iechyd, efallai y cewch gynnig ymweliad cartref neu apwyntiad yn y Clinig Bwydo ar y Fron Arbenigol i Fabanod. 

• Hyb Llesiant Maelfa, Roundwood, Llanedeyrn, CF23 9PF 
• Dydd Mercher, 1pm – 4pm 

I gael gwybodaeth am yr holl grwpiau cymorth bwydo ar y fron, clinigau arbenigol a grwpiau cymorth gan gymheiriaid, cliciwch yma.