Mae'r ardd yn Ysbyty Arch Noa i Blant Cymru wedi'i thrawsnewid yn olygfa aeafol hudolus

7/12/23

Mae’r ardd yn Ysbyty Arch Noa i Blant Cymru wedi’i thrawsnewid yn olygfa aeafol hudolus i’r plant a’u teuluoedd.

Gyda chefnogaeth Elusen Arch Noa, mae'r Ardd Sparkle yn rhan o gyfres o ddigwyddiadau Nadoligaidd i blant a phobl ifanc sy'n derbyn gofal yn yr ysbyty.

Ar ei diwrnod agoriadol ar 4 Rhagfyr, ymwelodd plant a'u teuluoedd â'r ardd a mwynhau cerddoriaeth Nadoligaidd, arddangosfeydd golau a thatŵs disglair. Mae'r goleuadau wedi bod yn cael eu harddangos trwy gydol yr wythnos.

I blant a phobl ifanc nad ydynt yn gallu gadael eu ward, mae unedau animeiddio mawr yn disgleirio animeiddiadau plu eira ar yr adeilad iddynt eu gweld.

Noddwyd y digwyddiad yn garedig gan Figure of Eight Events.

Dywedodd Alison Oliver, Arweinydd y Gwasanaeth Clinigol: “Mae’r addurniadau hyn yn rhan o amserlen o ddigwyddiadau rydyn ni’n ceisio eu darparu i wneud gwahaniaeth i blant a’u teuluoedd a allai fod yn gorfod aros yn yr ysbyty dros y Nadolig.

“Rydym yn hynod ddiolchgar i Elusen Ysbyty Arch Noa i Blant Cymru, Figure Eight Events, ein gwirfoddolwyr a’r Adran Cyfalaf, Ystadau a Chyfleusterau am wneud hyn yn bosibl.”