Ennill cyflog wrth ddysgu gyda'n Prentisiaeth Gweithiwr Cymorth Gofal Iechyd

Ydych chi eisiau cychwyn ar yrfa mewn gofal iechyd ac ennill cyflog wrth ddysgu? Bydd ein Prentisiaeth Gweithiwr Cymorth Gofal Iechyd (HCSW) newydd yn darparu cymysgedd o hyfforddiant a dysgu yn y gwaith a fydd yn arwain at swydd fel HCSW.

Mae Prentisiaeth HCSW yn rôl hyfforddi ffurfiol 18 mis sydd wedi'i chynllunio i roi'r wybodaeth, y sgiliau a'r profiad gwaith sydd eu hangen ar brentisiaid i symud ymlaen i rôl HCSW. Gan weithio ochr yn ochr â gweithwyr gofal iechyd proffesiynol profiadol ac o dan oruchwyliaeth Nyrs Gofrestredig, bydd prentisiaid yn helpu i ddarparu gofal tosturiol o ansawdd uchel i gleifion trwy helpu gyda gofal personol, prydau bwyd a symudedd.

Unwaith y bydd prentisiaid wedi cwblhau eu Prentisiaeth HCSW, dyfernir cymhwyster prentisiaeth lefel 2 iddynt ynghyd â sicrwydd o gael cyfweliad ar gyfer swydd Gweithiwr Cymorth Gofal Iechyd Band 2.

Mae HCSWs yn chwarae rhan hanfodol wrth ddarparu gofal i gleifion ac maent yn gweithio mewn ystod o leoliadau fel ysbytai, ymarfer cyffredinol ac fel rhan o dimau cymunedol. Gall y rôl hefyd arwain at amrywiaeth o gyfleoedd gyrfa cyffrous mewn nyrsio a bydwreigiaeth. I gael rhagor o wybodaeth am Brentisiaeth HCSW ac i wneud cais, cliciwch yma.

Sylwch, os oes gennych gymhwyster gradd yn barod, ni fyddwch yn gallu gwneud cais oherwydd meini prawf cyllido Llywodraeth Cymru ar y cymhwyster lefel 2.