27 Mawrth 2025
Wrth i ni ddathlu Sul y Mamau eleni, mae Bwrdd Iechyd Prifysgol Caerdydd a’r Fro yn tynnu sylw at y cymorth, y wybodaeth a’r adnoddau sydd ar gael i famau a rhieni. P’un a ydych chi’n disgwyl eich un bach, wedi croesawu eich babi yn ddiweddar neu’n rhiant i blentyn o dan 16 oed—mae llawer o adnoddau ar gael.
GIG 111 Cymru - Canllaw Beichiogrwydd — Mae gan wefan GIG 111 Cymru lwyth o wybodaeth ac awgrymiadau defnyddiol am feichiogi, bod yn feichiog a gofalu am eich babi newydd. Mae hefyd yn cynnig canllawiau manwl o wythnos i wythnos a llawer o fideos arbenigol i rieni eu harchwilio.
Atgyfeirio Beichiogrwydd i'r Gwasanaethau Mamolaeth — Os ydych chi'n feichiog o'r newydd, bydd angen i chi gofrestru eich beichiogrwydd gyda Gwasanaethau Mamolaeth y Bwrdd Iechyd. Gallwch wneud hynny drwy lenwi ffurflen ar-lein.
Gwasanaethau Mamolaeth — Mae gan dudalen we y Gwasanaethau Mamolaeth lawer o fanylion cyswllt defnyddiol, gwybodaeth ac adnoddau ar gyfer darpar famau a rhieni newydd.
Mynd Adref yn dilyn Genedigaeth - Bwrdd Iechyd Prifysgol Caerdydd a’r Fro — Os ydych chi newydd groesawu eich plentyn bach, gall mamau a rhieni newydd ddarganfod mwy am y dyddiau ar ôl esgor, cysgu’n ddiogel, sylwi ar arwyddion salwch mewn babanod newydd-anedig, bwydo, cymorth iechyd meddwl a llawer mwy o wybodaeth i gadw eu hunain a’u plentyn/plant bach yn ddiogel.
Y rhaglen feirws syncytiol anadlol (RSV) ar gyfer menywod beichiog er mwyn amddiffyn babanod - Iechyd Cyhoeddus Cymru - Anogir pob mam feichiog a pherson beichiog i gael eu brechlyn RSV a all atal babanod rhag mynd yn ddifrifol wael neu fynd i'r ysbyty. I'r rhan fwyaf o oedolion a phlant, mae haint RSV yn achosi salwch ysgafn, fel peswch neu annwyd, sydd fel arfer yn gwella ar ei ben ei hun. Fodd bynnag, i rai, yn enwedig babanod o dan flwydd oed ac oedolion hŷn, gall RSV fod yn ddifrifol iawn a gall achosi bronciolitis a niwmonia.
SilverCloud ar gyfer rhieni newydd
Link to ours: SilverCloud - Bwrdd Iechyd Prifysgol Caerdydd a'r Fro
Grwpiau cymorth bwydo ar y fron dan arweiniad y Gwasanaeth Ymwelwyr Iechyd Cymorth bwydo ar y fron yng Nghaerdydd a Bro Morgannwg - Bwrdd Iechyd Prifysgol Caerdydd a'r Fro
Parentline - Bwrdd Iechyd Prifysgol Caerdydd a'r Fro — Os yw'ch plentyn bach yn bump oed neu'n hŷn, gallwch ddefnyddio Parentline i gysylltu â nyrs ysgol am gyngor a chymorth cyfrinachol trwy neges destun. Mae’r gwasanaeth ar gael i bob rhiant a gofalwr sydd â phlant rhwng 5 ac 16 oed, gan gynnwys y rhai sy’n cael eu haddysgu gartref. I gysylltu â nyrs ysgol, anfonwch neges destun at 07312 263178.
Sands | Achub bywydau babanod. Cefnogi teuluoedd mewn profedigaeth. Child Bereavement UK – Gall Sul y Mamau fod yn gyfnod anodd i’r rhai sydd wedi colli plentyn neu fabi. Mae cymorth ar gael gan amrywiol elusennau a gwasanaethau iechyd meddwl.