28 Tachwedd
Mae cydweithwyr Bwrdd Iechyd Prifysgol Caerdydd a’r Fro wedi cael eu cydnabod am eu cyfraniadau eithriadol at ofal cleifion a datblygu gwasanaethau yng Ngwobrau Arloesi mewn Gofal Iechyd Cymru 2025.
Bob blwyddyn, nod y gwobrau yw rhannu enghreifftiau o waith effeithiol dan arweiniad gwyddonwyr gofal iechyd a gweithwyr proffesiynol perthynol i iechyd ledled Cymru. Mae’r gwobrau’n canolbwyntio ar brosiectau sy’n seiliedig ar dystiolaeth sy’n drosglwyddadwy ac yn dangos arweinyddiaeth a chreadigrwydd yn eu maes.
Llongyfarchiadau i bob un a gafodd eu henwebu ac i enillwyr gwobrau 2025, yn enwedig y cydweithwyr canlynol o Gaerdydd a’r Fro:
Y rownd derfynol
Cafodd Esther Goodhew, Uwch Therapydd Iaith a Lleferydd Arbenigol, Bwrdd Iechyd Prifysgol Caerdydd a’r Fro, Katie Earing ac Anna Kissick, Uwch Ddarlithwyr a Therapyddion Iaith a Lleferydd, Prifysgol Metropolitan Caerdydd, a Vicky Guise, Therapydd Cerddoriaeth Niwrolegol, Chroma, eu henwebu ar gyfer y fenter Creative Communicators.
Enwebwyd y cydweithrediad grŵp rhwng Bwrdd Iechyd Prifysgol Caerdydd a’r Fro, Prifysgol Metropolitan Caerdydd a Chroma am ei waith yn grymuso unigolion sy’n byw â namau cyfathrebu sy’n deillio o gyflyrau niwrolegol, trwy gefnogi eu cyfathrebu a’u lles cyffredinol.
Llongyfarchiadau mawr i bob tîm sy’n rhan o’r prosiectau hyn, y mae eu hymroddiad yn parhau i wella’r gofal y gallwn ei ddarparu ledled Caerdydd a’r Fro, a thu hwnt.
Mae rhagor o wybodaeth am y gwobrau ar gael yma: Gwobrau Arloesi mewn Gofal Iechyd Cymru - Gwobrau Arloesi mewn Gofal Iechyd
Rydym yn croesawu galwadau ffôn yn Gymraeg, Saesneg a Iaith Arwyddion Prydain (BSL) via SignVideo.
We welcome phone calls in Welsh, English and British Sign Language via via SignVideo.