Rwyf i fod i roi genedigaeth yn Ysbyty Athrofaol Cymru. A fydd cau uned Tywysoges Cymru yn effeithio ar fy ngofal?
Ni fydd hyn yn effeithio ar gleifion o dan ofal Bwrdd Iechyd Prifysgol Caerdydd a'r Fro.
Mae'r tîm mamolaeth wedi bod yn gweithio'n agos gyda CTM i wneud yn siŵr bod lefelau staffio priodol i ymdopi'n ddiogel â'r cynnydd mewn genedigaethau yn Ysbyty Athrofaol Cymru. Darparu gofal diogel, effeithiol a thosturiol i bob menyw a pherson sy’n geni yw ein blaenoriaeth bob amser a byddwn yn parhau i wneud hynny yn ystod y cyfnod hwn.
Bydd eich gofal cynenedigol ac ôl-enedigol hefyd yn parhau fel arfer.
A fyddaf yn dal i gael apwyntiadau gyda fy mydwraig gymunedol?
Byddwch, bydd eich bydwraig gymunedol yn parhau i fod yn bwynt cyswllt i chi ar gyfer unrhyw ymholiadau neu bryderon sydd gennych.
Bydd unrhyw un sy’n byw yng Nghwm Taf yn parhau i dderbyn gofal a chymorth gan eu tîm bydwreigiaeth lleol.