AaGIC: Cynllun gweithlu nyrsio strategol
20 Mai 2024
Mae Addysg a Gwella Iechyd Cymru (AaGIC) yn datblygu cynllun gweithlu strategol i recriwtio, ailhyfforddi, hyfforddi a thrawsnewid y gweithlu nyrsio yng Nghymru drwy ddarparu argymhellion ar gyfer gweithredu i fodloni’r galw presennol ac yn y dyfodol.
Cyfnod presennol
Mae ein hymgynghoriad ar weithredoedd y Cynllun Gweithlu Nyrsio Strategol yn fyw o ddydd Llun 13 Mai i ddydd Gwener 21 Mehefin.
Os ydych chi'n rhan o'r Gweithlu Nyrsio, mae angen i ni glywed gennych i gadarnhau beth sy'n gryf, ar goll neu'n anghywir gyda'r camau gweithredu drafft presennol. Rydym yn eich annog yn gryf i ddweud eich dweud ar y camau gweithredu arfaethedig drwy lenwi yr Ffurflen MS.
Mae’r Cynllun Gweithlu Nyrsio Strategol yn gynllun 10 mlynedd i gefnogi GIG Cymru: i recriwtio unigolion o safon uchel i’r proffesiwn, i hyfforddi mwy o nyrsys, i gadw ein gweithlu nyrsio ymroddedig ac i drawsnewid y ffordd y mae nyrsys yn gweithio.
Nyrsys yw’r grŵp mwyaf o staff yn GIG Cymru ac maent yn cynrychioli tua 40% o’r gweithlu, yn gweithio ar draws ystod o arbenigeddau ac amgylcheddau gan gynnwys ysbytai a lleoliadau cymunedol. Ar draws GIG Cymru, mae pob sefydliad yn profi pwysau gwasanaeth digynsail, wedi’i gymhlethu gan heriau gweithlu.
Mae’r heriau sy’n wynebu’r proffesiwn nyrsio yn cynnwys.
- Prinder nyrsys cofrestredig.
- Nifer cynyddol o gleifion â chyd-forbidrwydd.
- Cynnydd yn y galw am ofal a gwasanaethau.
- Poblogaeth sy'n heneiddio.
- Nifer y nyrsys profiadol yn lleihau.
Gyda'i gilydd, mae'r ffactorau hyn yn effeithio ar recriwtio a chadw nyrsys, lles a gallant arwain at orweithio. Mae prinder a gorweithio yn arwain at lefelau straen uwch ymhlith nyrsys, gan arwain at lai o foddhad swydd a methu cyflawni anghenion cleifion.
Nod y cynllun yw datblygu atebion arloesol i drawsnewid y proffesiwn nyrsio er mwyn sicrhau gweithlu addas i fodloni gofynion y gwasanaeth a’r gweithlu yn y dyfodol.
Dysgwch mwy: Cynllun gweithlu nyrsio strategol - AaGIC (gig.cymru)