Pam dewis ni?

Ers 2022, rydym wedi bod yn ffodus i dderbyn cydnabyddiaeth yn y gwobrau canlynol:

• Gwobrau Prentisiaethau Cymru Rownd Derfynol 2022
• Gwobrau Engage to Change Enillydd 2023
• Gwobrau Prentisiaethau Cymru Enillydd 2024

Gwobrau a buddion

Unwaith y byddwch yn ymuno â'n rhaglen prentisiaeth byddwch yn gallu manteisio ar y gwobrau a'r buddion hyn:

• Dysgu wedi'i ariannu'n llawn

Fel rhan o'ch cyflogaeth, byddwch yn cael eich cefnogi i gwblhau cymhwyster cydnabyddedig cenedlaethol a ariennir yn llawn sy'n gweddu orau i'r rôl sydd wedi cael ei dyrannu i chi.

Byddwch yn cael eich cefnogi'n llawn gan asesydd a ddarperir gan y sefydliad hyfforddi a chan adran gefnogol a fydd yn rhoi'r gwaith i chi i’ch galluogi i ddangos tystiolaeth o'ch dysgu.

• Cyflog cystadleuol

Mae'r Bwrdd Iechyd yn cynnig cyflog prentisiaeth cystadleuol. Fel sefydliad rydym am sicrhau eich bod mor agos â phosibl at yr isafswm cyflog cenedlaethol yn ystod eich hyfforddiant.

• Gwyliau blynyddol a gwyliau banc

Bydd gennych hawl i 28 diwrnod o wyliau blynyddol bob blwyddyn, pro rata, yn dibynnu ar eich oriau gwaith. Gallwch wneud cais am y gwyliau hyn drwy’r Cofnod Staff Electronig.

Byddwch hefyd yn gymwys i gael yr 8 gŵyl banc bob blwyddyn (yn dibynnu ar sut maen nhw'n disgyn). Yn dibynnu ar eich maes gwaith, efallai y bydd gofyn i chi weithio'r rhain, ac os felly, gallwch gymryd yr oriau hyn ar adeg arall.

• Cefnogaeth cyfaill/mentor

Gall yr ychydig ddyddiau cyntaf o gyflogaeth newydd fod yn frawychus. I hwyluso hyn, bydd eich rheolwr llinell yn eich cyflwyno i'ch cyfaill / mentor ar y diwrnod cyntaf.

Bydd eich cyfaill / mentor yn sicrhau eich bod chi'n gallu ymgartrefu cyn gynted ag y byddwch chi'n dechrau, gan roi awgrymiadau a chyngor defnyddiol i chi lywio'r adran.

• Llesiant a chymorth

Yn ogystal â bod eisiau i Fwrdd Iechyd Prifysgol Caerdydd a'r Fro fod yn 'lle gwych i weithio a dysgu', mae'n bwysig bod ein cydweithwyr yn cael eu cefnogi gyda’u hiechyd a'u llesiant eu hunain. Bydd Gwasanaeth Iechyd a Lles Pobl yn rhoi'r wybodaeth sydd ei hangen arnoch i wella'ch llesiant emosiynol a chorfforol, gan eich helpu i fyw bywyd iach.

Os oes gennych unrhyw bryderon, siaradwch â rheolwr eich adran neu'r Cydlynydd Prentisiaethau ac Ehangu Mynediad.