Prentisiaethau i Staff Presennol

Yn dilyn newidiadau i'r ffordd y mae prentisiaethau'n cael eu hariannu'n genedlaethol, mae'n ofynnol i'r BIP nawr dalu i mewn i ardoll brentisiaeth, mae hyn yn cyfateb i oddeutu £2.4 miliwn bob blwyddyn. Gellir defnyddio cronfeydd ardoll i gynnig cyfleoedd datblygu gwych i staff presennol y BIP. Bydd prentisiaeth yn arwain at feistroli sgiliau newydd neu sgiliau lefel uwch sy'n ofynnol ar gyfer eich swydd. Gall staff o unrhyw oedran neu radd ennill cymwysterau proffesiynol ychwanegol sy'n cefnogi'r rôl y maent yn ei chyflawni.

Mae prentisiaethau ar gyfer staff ar bob lefel - o'r rhai a adawodd yr ysgol yn 16 oed hyd at lefel gradd sylfaen
Mae staff yn cadw eu cyflog cyfredol a'u telerau ac amodau
Nid oes unrhyw derfynau oedran
Ariennir hyfforddiant prentisiaeth yn llawn trwy'r ardoll brentisiaethau, heb unrhyw gost i adrannau
Ymdrinnir ag ystod eang o alwedigaethau

Beth yw'r Ymrwymiadau

Mae prentisiaethau yn gyfleoedd datblygu sy'n gofyn am ymrwymiad gan yr unigolyn sy'n gwneud y brentisiaeth a'i reolwr. Mae'r gefnogaeth gan y rheolwr yn hanfodol er mwyn i'r aelod staff allu cwblhau'r cymhwyster hwn. Diffyg cefnogaeth yw un o'r prif resymau dros i staff dynnu'n ôl o gymhwyster fel hwn. Mae bron pob un o'r cymwysterau yn cael eu cwblhau yn y gweithle a bydd angen i chi gael ymweliadau aseswyr misol sy'n para 60 - 90 munud. Mae'n bwysig eich bod yn cadw mewn cysylltiad rheolaidd â'ch asesydd.

Y Camau Nesaf

Dylech drafod â'ch rheolwr llinell ai prentisiaeth yw'r ffordd orau i gefnogi'ch anghenion datblygu neu a fyddai ymyrraeth hyfforddi gwahanol yn fwy priodol. Gallwch ymgymryd â phrentisiaeth ar yr un lefel â chymhwyster sydd gennych eisoes, neu ar lefel is na hynny, os bydd y brentisiaeth yn caniatáu ichi ennill sgiliau newydd sylweddol a gallwch dystiolaethu bod yr hyfforddiant yn sylweddol wahanol i unrhyw gymhwyster blaenorol neu brentisiaeth flaenorol. Cynhelir sesiynau ymwybyddiaeth yn fisol ar draws y BIP er mwyn i chi gael mwy o wybodaeth gan ddarparwr y cwrs.

Rhaid i chi sicrhau eich bod wedi cael Gwerthusiad Seiliedig ar Werthoedd ("VBA") yn ystod y 12 mis diwethaf a gofnodwyd ar ESR a'ch bod wedi cwblhau pob un o'r 13 modiwl o'r hyfforddiant gorfodol.

Cwblhewch y ffurflen gais ac anfonwch hi at Emma Bendle.

Meysydd Pwnc

Cliciwch ar y meysydd isod i weld y cymwysterau sydd ar gael:

Ein Darparwyr Cwrs

Ar hyn o bryd rydym yn gweithio gyda'r darparwyr hyfforddiant canlynol i gefnogi darparu prentisiaethau ar draws y BIP.