Mae'r math hwn o linell yn mynd i mewn i naill ai'r gwythiennau Brachial neu Cephalic yn rhan uchaf eich braich (A). Yna mae'n teithio i fyny'r fraich nes bod y blaen yn mynd i mewn i'r wythïen fawr (B) wrth ymyl y galon (C). O'r galon, mae pibellau gwaed mawr yn cludo'r maetholion i bob rhan o'r corff.
Gellir mewnosod llinell PICC gan ddefnyddio canllaw pelydr-x neu weithiau wrth ochr y gwely gan weithiwr gofal iechyd proffesiynol sydd wedi'i hyfforddi'n arbennig. Os byddwch yn gofalu amdani’n dda, gall y llinell hon aros yn ei lle am 1-2 flynedd. Rhaid defnyddio techneg ddi-gyffwrdd lem (ANTT) bob amser y byddwch chi'n trin y llinell eich hun neu pan fydd eraill yn gwneud, er mwyn atal halogiad gan germau neu organebau a all achosi haint.