Mae'r llinell fwydo neu'r cathetr wedi’i dwnelu yn mynd i mewn i wythïen fawr ger yr ysgwydd ac yna'n mynd i lawr y tu mewn i'r wythïen nes bod y blaen yn gorffwys ger eich calon (A). Mae'r pen arall wedi'i dwneli o dan y croen (B) ac ei ddwyn allan trwy'r croen ar eich brest (C). O'r galon, mae pibellau gwaed mawr yn cludo'r maetholion i bob rhan o'r corff.
Mae'r llinell fwydo hon yn cael ei gosod o dan arweiniad pelydr-x ac os byddwch yn gofalu amdani’n dda gall bara am flynyddoedd lawer. Rhaid defnyddio techneg aseptig ddi-gyffwrdd lem (ANTT) bob amser y byddwch chi'n trin y llinell eich hun neu pan fydd eraill yn gwneud, er mwyn atal halogiad gan germau neu organebau a all achosi haint.