Ymgyrch Atal Stigma HIV

Mae Bwrdd Iechyd Prifysgol Caerdydd a'r Fro wedi ymuno â Llwybr Carlam Cymru i ddwysáu ymdrechion i leihau stigma HIV.

Mae ofn, stigma a mythau ynghylch HIV yn parhau i fod yn gyffredin ymhlith rhai rhannau o gymdeithas, gan gynnwys o fewn y gymuned gofal iechyd, a all fod yn rhwystr i bobl gael mynediad at brofion a thriniaeth ar gyfer y cyflwr.

Nod yr ymgyrch yw grymuso pobl drwy roi mwy o wybodaeth iddynt am HIV, lleihau gwahaniaethu a darparu offer ymarferol ar gyfer mynd i'r afael â stigma.

Dywedodd llefarydd o Lwybr Carlam Cymru: “Mae stigma yn effeithio ar unigolion sy’n byw gyda HIV yng Nghymru ac yn llesteirio ymdrechion iechyd y cyhoedd drwy berswadio pobl i beidio â chael profion a thriniaeth. Drwy ein hadnoddau cynhwysfawr a thrwy ymgysylltu â'r gymuned, ein nod yw trawsnewid y naratif ynghylch HIV yng Nghymru.”