Parentline

Mae Parentline yn wasanaeth neges destun sy'n caniatáu i rieni a gofalwyr plant rhwng 5 ac 16 oed gysylltu â nyrs ysgol am gyngor a chymorth cyfrinachol trwy neges destun.  

Mae Parentline ar gael i bob rhiant a gofalwr sydd â phlant rhwng 5 ac 16 oed, gan gynnwys y rhai sy'n cael eu haddysgu gartref.

I gysylltu â nyrs ysgol, anfonwch neges destun at 07312 263178. Bydd negeseuon testun yn cael eu monitro rhwng 8.30am a 4.30pm o ddydd Llun i ddydd Gwener (ac eithrio gwyliau banc) a nod tîm Nyrsio Ysgol BIP Caerdydd a’r Fro yw ymateb o fewn un diwrnod gwaith.  

Gall nyrs ysgol gynnig cymorth a chefnogaeth ar gyfer ystod eang o bynciau, gan gynnwys:  

• Lles emosiynol 

• Gwlychu yn ystod y dydd a'r nos  

• Baeddu 

• Bwyta’n iach 

• Ymddygiad 

• Cydberthnasau  

Gall y tîm hefyd drefnu i chi siarad â nyrs ysgol eich plentyn os yw'n well gennych.  

Ni fydd negeseuon testun yn cael eu gweld y tu allan i oriau gwaith arferol. Os oes angen help arnoch cyn clywed gan y tîm, cysylltwch â'ch meddyg teulu neu ffoniwch 111.  

Mae Parentline yn cefnogi negeseuon testun o rifau symudol y DU ac nid yw'n derbyn galwadau llais na negeseuon llun MMS. Codir tâl am negeseuon testun ar eich cyfraddau arferol.  

Gall plant rhwng 11 a 19 oed gysylltu â nyrs ysgol am gyngor cyfrinachol, gwybodaeth a chefnogaeth gan ddefnyddio ChatHealth trwy anfon neges destun i 07520 615 718. Mae’r gwasanaeth yn weithredol o ddydd Llun i ddydd Gwener 8.30am – 4.30pm (ac eithrio gwyliau banc) 

Datblygwyd a chefnogwyd ChatHealth gan Ymddiriedolaeth GIG Partneriaeth Swydd Gaerlŷr yn 2013 ac fe’i lansiwyd yng Nghaerdydd a Bro Morgannwg gan y Tîm Nyrsio Ysgol yn 2019. 

 Gall helpu gyda nifer o faterion gan gynnwys: 

• Bwlio 

• Ysmygu 

• Lles Emosiynol 

• Teimlo'n drist neu'n grac 

• Straen arholiadau 

• Bwyta’n iach 

• Newidiadau i'ch corff 

• Cyffuriau 

• Alcohol 

• Cydberthnasau 

Mae ChatHealth yn ddienw, yn ddiogel ac yn gyfleus. Caiff pob cwestiwn ei ateb gan ChatHealth.