Gwasanaeth Triniaeth Amgen

Mae Bwrdd iechyd Caerdydd a’r Fro yn gweithredu polisi “dim goddefgarwch” tuag at gleifion, perthnasau ac aelodau o’r cyhoedd sy’n ymddwyn yn dreisgar ac yn ymosodol tuag at staff y GIG. Cyflwynwyd y Cynllun Triniaeth Amgen, a elwir hefyd yn Hafan Ddiogel, yn 2004, â’r nod o ddarparu man diogel lle y gallai cleifion sydd wedi bod yn dreisgar neu’n ymosodol tuag at eu meddyg teulu dderbyn Gwasanaethau Meddygol Cyffredinol. Mae hawl unigolion i dderbyn gwasanaethau gofal sylfaenol prif ffrwd yn parhau i fod yn un o egwyddorion sylfaenol y GIG, ac ni chaiff cleifion sydd wedi eu dileu o restr practis yn syth eu gwahardd rhag derbyn y gwasanaethau hyn.