Gwasanaeth Technoleg Gynorthwyol Electronig
Mae Gwasanaeth Technoleg Gynorthwyol Electronig Cymru (EAT) yn darparu asesiad holistaidd, treialon, benthyciadau hirdymor, gwasanaeth cynnal a chadw a thynnu'n ôl sy'n anelu at wella annibyniaeth, symudedd a gallu ein cleifion i gyfathrebu. Mae’r gwasanaeth EAT yn cynnwys pedwar gwasanaeth fel isod ond i raddau helaeth mae’n gweithredu fel un endid gyda llwybr atgyfeirio cyffredin, trefn brysbennu a thriniaeth, ond gellir gweithredu’r ddarpariaeth derfynol (dyfais feddygol fel arfer) mewn un neu sawl maes. (isod). Darperir y Gwasanaeth gan ystod o weithwyr gofal iechyd proffesiynol cofrestredig sy'n cynnwys Gwyddonwyr Clinigol, Therapyddion Iaith a Lleferydd, Therapyddion Galwedigaethol, Technolegwyr Clinigol, cefnogaeth gan staff cymorth anghofrestredig e.e. Gweinyddwyr a Hyfforddwyr Technegol. Mae cleifion yn cael eu hadolygu'n glinigol ac mae'r dyfeisiau a ddarperir yn cael eu hadolygu'n dechnegol i sicrhau defnydd diogel parhaus.
Cyfathrebu Estynedig ac Amgen (AAC)
O fewn yr elfen hon o'r Gwasanaeth EAT cynhelir asesiad, treial, benthyciad tymor hir, dulliau cynnal a chadw a thynnu'n ôl. Yn y rhan fwyaf o achosion clinigol, mae gan y claf sydd angen yr agwedd hon ar y Gwasanaeth ddiffyg cyfathrebu difrifol, fel arfer yn ymwneud â lleferydd ond hefyd iaith. Comisiynir y Gwasanaeth hwn yn ganolog ar sail Cymru Gyfan gan WHSSC.
Systemau Rheoli Amgylcheddol (ECS)
O fewn yr elfen hon o'r Gwasanaeth EAT rydym yn cynorthwyo pobl dros 12 oed sydd ag anabledd corfforol cyfyngol i weithredu ystod eang o offer a/neu gyfarpar o fewn eu hamgylchedd dymunol. Gall y cyfarpar rydym yn ei gyflenwi helpu i leddfu neu wneud iawn am anaf neu nam, a gall helpu i gynnal neu gynyddu annibyniaeth. Gellir rheoli cyfarpar gan ddefnyddio gwahanol ddulliau, megis switshis a weithredir gan ddefnyddio unrhyw symudiad corff y gellir ei reoli neu fynediad uniongyrchol gan ddefnyddio bysellbadiau arbennig. Prif ddefnydd ECS yw rhoi rheolaethau hygyrch ar gyfer:
- Diogelwch – cloeon drws, intercoms
- Cyfathrebu – ffôn, neges destun, e-bost
- Cysur - goleuadau, gwresogyddion, gwyntyllau
- Adloniant – teledu, Sky, Radio, DVD
Mynediad at Gyfrifiadur (CA)
O fewn yr elfen hon o'r Gwasanaeth EAT rydym yn darparu asesiad, cyngor a benthyg offer i helpu pobl ag amrywiaeth o namau corfforol i ddefnyddio eu cyfrifiadur. Rhaid i'r claf gael ei gyfrifiadur ei hun a bod yn gyfarwydd â'i ddefnydd sylfaenol. Cynhelir asesiad yng nghartref y claf neu weithiau mewn ysgol/coleg/canolfannau dydd. Mae'r gwasanaeth yn galluogi rhai cleifion i barhau i weithio ar gyfrifiadur, yn atal ynysu cymdeithasol ac yn darparu adloniant sy'n darparu llawer o fanteision seicolegol.
Sut i gysylltu â'r Gwasanaeth Technoleg Gynorthwyol Electronig.
I gysylltu â'r Gwasanaeth Technoleg Gynorthwyol Electronig, ffoniwch 02921 848100 ac yna dewiswch opsiwn 5 ar gyfer y Gwasanaeth Technoleg Gynorthwyol Electronig.