Cyngor ar Feddyginiaeth

Cyngor a gwybodaeth am feddyginiaethau ar gyfer cleifion sy'n cael llawdriniaeth

Pan ddewch i'r ysbyty gwnewch yn siŵr eich bod yn dod â'ch holl feddyginiaethau rheolaidd i mewn yn eu blychau neu gynwysyddion gwreiddiol. Mae hyn yn cynnwys tabledi / capsiwlau / anadlyddion / hufenau / pigiadau / clytiau / diferion clustiau / diferion llygaid / chwistrellau trwynol. 

Croeso i adran cyngor meddyginiaethau gwefan Clinig Asesu Cyn Llawdriniaeth (POAC) BIP Caerdydd a'r Fro. Pan fyddwch yn cael llawdriniaeth neu driniaeth, bydd angen adolygu'ch meddyginiaethau gan eich llawfeddyg, nyrs POAC, a/neu fferyllydd a/neu anesthetydd. Mae angen rhoi'r gorau i rai meddyginiaethau yn y dyddiau sy'n arwain at lawdriniaeth a gynlluniwyd er mwyn lleihau'r risg o gymhlethdodau, ac efallai y bydd perygl y bydd eich llawdriniaeth yn cael ei chanslo os na fyddwch yn dilyn y cyngor a roddir i chi. Os oes unrhyw newidiadau ers i ni eich gweld ddiwethaf mae'n bwysig iawn eich bod yn rhoi gwybod i ni (rhifau cyswllt isod).

Byddwch yn cael cyngor ar lafar ac ysgrifenedig am feddyginiaethau penodol y mae angen eu haddasu neu eu dal yn ôl rhag POAC. Fodd bynnag, rydym yn deall eich bod yn cael llawer o wybodaeth yn ystod eich asesiad ac efallai y byddwch yn aros wythnosau neu fisoedd am ddyddiad ar gyfer eich llawdriniaeth, felly rydym wedi cynnwys rhywfaint o wybodaeth allweddol ar y dudalen hon! Mae'r canllaw isod yn cwmpasu rhai prif grwpiau o feddyginiaethau ac yn nodi'r hyn y dylid ei stopio, ei addasu neu ei barhau yn arwain at ddiwrnod y llawdriniaeth gan ddefnyddio system goleuadau traffig.

Os ydych ar unrhyw un o'r meddyginiaethau canlynol byddwch yn derbyn cyfarwyddiadau ynghylch y rhain:

Os ydych ar unrhyw un o'r meddyginiaethau canlynol byddwch yn cael eich cynghori gan eich nyrs POAC, fferyllydd neu anesthetydd ynghylch beth i'w wneud gyda'ch meddyginiaeth: 

• Warfarin
• DOAC (direct oral anticoagulants)
  • Edoxaban
  • Apixaban
  • Rivaroxaban
  • Dabigatron
• Antiplatelet
  • Aspirin
  • Clopidogrel
  • Prasugrel
  • Ticagrelor
• Pigiadau isgroenol 
  • Enoxaparin (Clexane)
  • Dalteparin (Fragmin)
  • Tinzaparin

Patsh Adfer Hormonau

Os ydych yn defnyddio cynhyrchion trawsdermol sy'n cynnwys estrogen megis ar ffurf patshys neu geliau, argymhellir PARHAU i ddefnyddio’r rhain cyn y llawdriniaeth. 
NID yw'r llwybr hwn yn gysylltiedig â mwy o risg o glotiau, felly mae'n ddiogel parhau. 

Tabledi Adfer Hormonau

Gall rhai tabledi HRT gynyddu eich risg o gael clot gwaed ar ôl llawdriniaeth os yw eich llawdriniaeth yn effeithio ar eich symudedd. 
Byddwch yn cael eich cynghori gan eich nyrs POAC/fferyllydd/anesthetydd a oes angen i chi ei stopio am gyfnod cyn a/neu ar ôl eich llawdriniaeth / triniaeth neu a yw'n ddiogel parhau. 

Os ydych chi'n ddiabetig, byddwch yn derbyn cyfarwyddiadau ysgrifenedig ar wahân gan eich tîm POAC ynghylch sut mae eich tabledi, inswlin, a phigiadau eraill yn cael eu rheoli o gwmpas amser eich llawdriniaeth. Gweler y tudalennau Diabetes ar y wefan hon hefyd.

Os oes unrhyw newidiadau i'ch meddyginiaethau neu os oes gennych unrhyw gwestiynau cysylltwch â'ch clinig POAC:

• YAC: 02920 744775
• YALl: 02927 166163
• Fferyllwyr POAC: 02921 840964

Y dudalen nesaf yw Gwybodaeth am eich Anesthetig
Defnyddiwch y dolenni isod i lywio o amgylch safle POAC