Beth yw'r Clinig Asesu Cyn Llawdriniaeth (POAC)?

Mae'r Clinig Asesu Cyn Llawdriniaeth (POAC) yn cynnal clinigau yn Ysbyty Athrofaol Cymru, ac Ysbyty Athrofaol Llandochau.

Beth yw POAC?

Nod POAC, neu’r Clinig Asesu Cyn Llawdriniaeth, yw asesu eich addasrwydd chi ar gyfer llawdriniaeth a/neu anesthetig.

Yn gynnar yn y daith tuag at lawdriniaeth, bydd cleifion yn ymgymryd â POAC, naill ai wyneb yn wyneb neu o bell, a’n nod yw:

Eich 'paratoi' chi am lawdriniaeth
Gwneud llawdriniaeth mor ddiogel â phosibl, a lleihau’r posibilrwydd o gymhlethdodau ac achosion o ganslo
Rhoi’r cyfle gorau i chi gael adferiad cyflymach, gwell
Rydym yn aml yn trafod risgiau llawdriniaeth a gwella ar ôl llawdriniaeth, gan geisio lleihau'r risgiau lle y gallwn, fel bod gennych gymaint o wybodaeth ag sydd ei hangen arnoch i sicrhau bod y llawdriniaeth a gynlluniwyd neu’r llawdriniaeth arfaethedig yn iawn i chi, a gelwir hyn yn Gwneud Penderfyniadau ar y Cyd (Centre for Perioperative Care Link).

Ymchwil

Mae ymchwil yn rhan bwysig o wella gofal i gleifion yn y dyfodol, ac mae Bwrdd Iechyd Prifysgol Caerdydd a'r Fro yn cymryd rhan weithredol mewn prosiectau ymchwil cenedlaethol a lleol. Gall hyn fod yn rhywbeth sy'n cael ei drafod gyda chi yn ystod eich gofal, chi fydd yn penderfynu bob amser a ydych am gymryd rhan, a gallwch dynnu eich penderfyniad yn ôl ar unrhyw adeg.

Y dudalen nesaf yw 'Beth i’w ddisgwyl yn eich ymweliad POAC'

Defnyddiwch y bar llywio isod i lywio gwefan POAC