Mae brechu rhag y ffliw yn cael ei argymell gan Brif Swyddog Meddygol Cymru ar gyfer yr holl staff sydd â chysylltiad â chleifion.
Y llynedd dewisodd dros 8,700 aelod o staff BIP gael y pigiad ffliw, er mwyn amddiffyn eu hunain, eu cleifion a'u teulu. Mae gweithwyr gofal iechyd 3 i 5 gwaith yn fwy tebygol o gael ffliw na phobl mewn swyddi eraill.
Bydd bron i 1 o bob 5 gweithiwr gofal iechyd yn cael ffliw mewn tymor cyffredin. Gallwch chi drosglwyddo'r ffliw i gleifion bregus, eich teulu a chydweithwyr hyd yn oed os nad ydych chi'n symptomatig.