Mae eiriolwyr annibynnol yn cael eu hystyried yn weithwyr allweddol, felly mae gwasanaethau eiriolaeth yn parhau i weithredu yn yr holl leoliadau arferol lle mae pobl yn cael cymorth gan wasanaethau iechyd a gofal. Bydd eiriolwyr yn cynnig amrywiaeth o gymorth mewn ffyrdd creadigol er mwyn cynnal rheolau cadw pellter cymdeithasol, gan gynnwys cymorth ar-lein ochr yn ochr â chymorth galw heibio wedi'i drefnu.
Yn ystod y cyfnod anodd hwn, mae'r un mor bwysig eich bod yn cael gwybod am eich hawliau a'ch cynorthwyo i ofyn cwestiynau am eich triniaeth, a bod eiriolwyr ar gael i chi i'ch helpu yn hyn o beth.